Eg er ein teikneserieskapar som jobbar mykje med sjølvpublisering og digitale teikneseriar. Sjølvpublisering er knytt opp mot kunstnerboktradisjonen der eg trykker og binder heftene mine sjølv. Når det kjem til digitale teikneseriar er det et fagfelt eg har doktorgrad i og eg likar å utforske formata. I 2017 publiserte eg den interaktive teikneserien Nær, Nærare Nærast og jobbar for tida med min neste digitale publikasjon som vil heite Adjø Tulli. Eg har også ein pågåande nett-teikneserie laga i sveipeformat som er utforma for å lesast på mobil. Plastikkbarna er ein teikneserie for born i alderen 8–12 og handlar om problema rundt plastforrureining.

Eg jobbar for tida parallelt med 4 ulike teikneserieprosjekt. Adjø Tulli er hovudprosjektet og er eit portrett av etterkrigstida og handlar om ein av Noregs fyrste velukka hjarteoperasjonar. Plastikkbarna er ein episodisk teikneserie som kjem ut med jamne mellomrom. Den raude steinen er mitt neste sjølvpubliserte og risotrykte teikneseerie album med mål om publisering i 2025/26. Tankeringen er eit nyleg gjenopptatt fantasy-prosjekt eg starta å skape saman med Rolf Losnegård. Dette er også eit ambisiøst prosjekt av litt større karakter som vil ta år å teikne. Om du er interessert i å sjå desse prosjekta så publiserer eg arbeid undervegs på Patreon sida mi. Dette er ei abonnementsordning for dei som er nysgerrige på arbeidet eller som ynskjer å støtte arbeidet mitt. På denne sida får du sjå teikeseriesider lenge før dei får sjå dagens lys.

Fram til no er dette høgdepunkta i min bibliografi:
Krampe (2024), teikneserieabum, stensiltrykk (Riso)
Plastikkbarna (2021 <), nett-teikneserie
Elsewhere (2019), Kinakål forlag, teikenseriebok
Nær, nærare, nærast (2017), interaktiv teikneserie
Lyden av Aurora (2014), ei teikneserieframsyning

Eg har ein doktorgrad frå Universitetet i Bergen, Fakultetet for kunst, musikk og design, der det kunstnariske utviklingsprosjektet mitt forska på bruken av levande bileter i digitale teikneseriar. Du kan lese heile prosjektet på Researchcatalogue.net. Prosjektet kommenterer også det digitale teikneserieformatet og avhandlinga heiter Frozen Moments in Motion.

Eg har også ein scenisk praksis i at eg les teikneseriane mine høgt for publikum. Dette har eg praktisert sidan 2013 og teikneseriane eg har framført mest er Lyden av Aurora og Nær, nærare, nærast. Eg jobbar no med ein scenisk versjon av Krampe.

Sidan eg har jobba med sjølvpublisering og kunstnarbøker så har eg og engasjert meg mykje i dette miljøet. Eg har vore med å starta og sit i styret til Pamflett. Pamflett er ein sjølvpubliseringsverkstad med spesialisering på stensiltrykk med Riso-maskiner. Pamflett er også arrangør av nordens største kunstnerbokfestival Bergen Art Book Fair, som har vore eit årleg arrangement sidan 2013.

Eg er også redaktør for Tegnerforbundet sitt magasin om teiknekunst, illustrasjon og bokkunst: Numer.

Eg har trappa ned tilstedeverelsen på Meta sine plattformer og du kan følge meg i desse kanalane: Patreon.com, Blue Sky, og ikkje minst nyhetsbrevet mitt!

Organisasjonsnummer: 982 587 301